|
Dünen “Qelebe” kinoteatrının qarşısındakı meydanda
ölkenin ekser siyasi partiyaları ve ictimai teşkilatlarının iştirakı
ile Qarabağ mitinqi keçirildi. Müsavat başqanı İsa Qemberin mitinqdeki
çıxışını diqqetinize çatdırırıq.
Hörmetli bacı ve qardaşlarım!
Müsavat Partiyası adından
hamınızı salamlayıram. Bu gün 8 dekabrın yağışlı, 20 dekabrın qarlı
havasına baxanda hava bir az babatdır. Görünür, tebiet de yavaş-yavaş
xalqın terefine keçir. Bu müddet erzinde çox sözler demişik, görünür,
çox sözler de demeli olacağıq. Men üç-dörd ünvana, heresine bir-iki
kelme söz demek isteyirem.
Birinci ünvan beynelxalq
birlikdir. O beynelxalq birlik ki, uzun iller erzinde bu konfliktin
hellinde özünün müeyyenleşdirdiyi prinsiplere emel etmir, bu konfliktde
tecavüzkar terefe - Ermenistana ve bu tecavüzün qurbanı olmuş Azerbaycana
eyni münasibet besleyir. Tecavüzkara qarşı sanksiyalar tetbiq etmek
evezine, tereflerden hansısa kompromis tapmağı teleb edir. Men bu
beynelxalq birliye bir daha xalqımızın - hamımızın mövqeyini çatdırmaq
isteyirem ki, bu xam xeyallardan el çeksinler. Azerbaycan xalqı öz
torpağının hesabına heç bir kompromise, güzeşte gede bilmez. Bunu
bizden gözlemesinler.
Men ermenilere de bir-iki
kelme demek isteyirem. Belke ermenilerin özlerine ele gelir ki, bir
az uğur qazanıblar. Ancaq meseleye bir az derinden baxanda özlerini
çox derin bir zibilin içine saldıqlarını görerler. Bu zibilden de
onları yene biz qurtaracağıq. Ağıllarını başlarına yığsınlar. Eger
öz başlarına daha çox belalar açmaq istemirlerse, nezere alsınlar
ki, bu konflikt on üç ildir davam edir, on üç il de davam etse, sonu
birdir: Münaqişe Azerbaycanın erazi bütövlüyüne, beynelxalq prinsiplere
uyğun bitecek. Bunun başqa sonu ola bilmez.
Menim üçüncü müraciet
etmek istediyim ünvan Heyder Eliyevdir,bu hakimiyyetdir. Sekkiz ilden
artıqdır ki, Heyder Eliyev hakimiyyetdedir. O, hakimiyyete Qarabağ
şüarları altında geldi. İddia edirdi ki, guya ondan evvelkiler bu
meseleni hell ede bilmirler, o ise bunun yolunu bilir ve hell edecek.
İndi sekkiz ilden artıq müddetdir ki, Heyder Eliyev hakimiyyetdedir.
Bir balaca başını qaldırıb veziyyete baxsın. Ayaz Mütellibov deye
biler ki, Xalq Cebhesi mene imkan vermedi, imkan verseydi, neyise
hell edecekdim. Her halda, hakimiyyetde az olub. Biz hakimiyyetde
bir il olmuşuq. Deye bilerik ve deyirik ki, Heyder Eliyev bize mane
olmasaydı ve 93-cü ilin iyununda qiyam etmeseydi, biz bu meseleni
hell edecekdik. Etiraf etmek lazımdır ki, bu meselenin helline en
yaxın olan biz idik. Bizim hakimiyyet dövründe ordumuz Şuşanın, Laçının
üç-beş addımlığına gedib çıxmışdı. İndi sekkiz ilden artıqdır ki,
Heyder Eliyev, sen hakimiyyetdesen. Neylemisen bu müddetde Qarabağ
üçün? Ermenilere şerait yaratmısan ki, yeni-yeni torpaqlarımızı işğal
etsin ve sonra da ateşkes adı ile neçe illerdir meseleni dondurmusan,
guya danışıq aparırsan. Ve bu danışıqların da neticesi göz qabağındadır.
Heç bir irelileyiş yoxdur. Ve bu cür davam edecekse, heç bir irelileyiş
de ola bilmez. Bu danışıqlarda ancaq demokratik, güclü orduya, iqtisadiyyata
malik Azerbaycan öz teleblerini qebul etdire biler. Bunların heç birini
Heyder Eliyev dövründe görmedik. Ona göre de men Heyder Eliyeve şüarsız,
qışqırıqsız, çox sakit bir sesle teklif etmek isteyirem ki, istefaya
getsin. (Hamı “istefa” şüarını seslendirir) Danışdıq ki, sakit sesle
deyek. Eziz bacılarım ve qardaşlarım, men sizi başa düşürem, ancaq
yene, H.Eliyeve çox sakit sesle teklif edirem ki, istefaya getsin.
Men başa düşürem ki, o, istefaya getmek istemir, çünki onun dövründe
yol verilmiş cinayetlerin mesuliyyetinin çox böyük olduğunu anlayır.
Bundan çox narahatdır. Bunu da başa düşürük. Ancaq Azerbaycan xalqı
böyük xalqdır. Men teklif edirem ki, Heyder Eliyev istefaya getmeye
çetinlik çekirse, müxalifetle dialoqa getsin ve bu dialoqda öz istefasının
şertlerini desin. Biz torpaqlarımızı işğaldan azad etmek, memleketimizin
problemlerini hell etmek namine çox adamlara, çox güzeştlere gede
bilerik. Torpaqdan, milletimizin geleceyinden başqa çox şeyleri güzeşte
gede bilerik. Ona göre de men bir daha Heyder Eliyeve teklif edirem
ki, başını qaldırıb veziyyete diqqet etsin. Öz mesuliyyetini derk
etsin ve real müxalifetle dialoq barede düşünsün.
Men üç ünvana müraciet
edirem, ancaq sözün doğrusu, bu üç ünvanın heç birine çox etibarım
yoxdur. Ne beynelxalq birliye, ne ermenilere, ne de Heyder Eliyeve...
Ancaq bir dördüncü ünvan
var. O dördüncü ünvan sizsiniz, sizin temsil etdiyiniz Azerbaycan
xalqıdır. Bu gün yene kimse deyecek ki, mitinqe çox adam toplaşmışdı,
kimse yene saymağa başlayacaq ki, yox, az gelmişdi. Ancaq bu gün Azerbaycanda
fealiyyet gösteren siyasi qüvvelerin, ictimai teşkilatların ekseriyyeti
burada temsil olunur. Ve bu qüvvelerin arxasında xalq dayanır. 2000-ci
ilin parlament seçkilerinde de gördük ki, H.Eliyevin partiyası 15-16
faiz ses topladı. Qalan 85 faiz sesi burada temsil olunan siyasi qüvveler
alıblar. Ve burada cemlenen insanlar da hemin 85 faizi teşkil edirler.
Bu o demekdir ki, xalqın 85 faizi bugünkü mitinqin, bizim teleblerimizin
mövqeyindedir. Esline qalsa, YAP-çıların da hamısı hesab etmirem ki,
Heyder Eliyevin terefindedirler. Onların da ekseriyyeti xalqın terefindedirler.
Ona göre de menim dördüncü
ünvan kimi üz tutduğum sizlersiniz, sizin temsil etdiyiniz xalqdır.
Ve mene ele gelir, hamımız başa düşürük ki, xalqın, milletin iradesi
olmadan heç bir problemin helli mümkün deyil. Ve Qarabağın yolunun
da haradan keçdiyini hamımız gözel bilirik. Gelin bir-birimizi aldatmayaq.
Qarabağın yolu bu gün hakimiyyetden keçir. Yalnız xalqın iradesi ile
formalaşan hakimiyyet Qarabağı azad ede biler. Ona göre men hamınızı,
hamımızı, bütün xalqımızı üzümüze gelen 2002-ci ili dönüş iline çevirmeye
çağırıram. 2002-ci ilde Heyder Eliyev hakimiyyetini istefaya gönderib,
seçki yolu ile öz istediyiniz hakimiyyeti formalaşdırmağa çağırıram.
Ve bu yolla da problemlerimizin helline ve Qarabağımızın azad edilmesine
çağırıram. Men inanıram ki, bizim milletimizin buna gücü, qetiyyeti
ve fedakarlığı var. Ona göre de men bir daha bugünkü mitinqin şüarını
tekrar edirem: “Ya Qarabağ, ya ölüm!”.
Ve hemişeki kimi sözümü
Azad, Müsteqil, Demokratik, Bütöv, Firavan Azerbaycan
şüarı ile tamamlayıram.
Eşq
olsun sizlere!
|
|
